പുഴ.കോം > വിശകലനം > കവിത > കൃതി

ശ്രേയ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
എം.ആർ.രാജേശ്വരി

കവിത

ശ്രേയയ്‌ക്ക്‌ ‘ര’യ്‌ക്ക്‌ ‘ല’ എന്നുച്ചരിക്കുന്ന പ്രായം

വിദ്യാലയത്തിന്റെ വാതിലിലപ്പൊഴേ

പിച്ച നടന്നവളെത്തി

എല്ലാവരേക്കാളും കേമിയായ്‌ത്തീരണം

അച്‌ഛനുമമ്മയ്‌ക്കും ശാഠ്യം!

ശ്രേയ മിടുക്കിയാണെന്നാലും കൂട്ടത്തി-

ലൊന്നാമതെത്താൻ വിഷമം.

ആദ്യ പരീക്ഷാഫലം കൊണ്ടവൾ വന്നു

ഒന്നാമതായില്ല ശ്രേയ!

മാത്ര ഏതാണ്ടൊന്നു തെറ്റിയ കാരണം

റാങ്കവൾക്കഞ്ചാറു താഴെ

ഞെട്ടിത്തെറിച്ചു പോയച്ഛനുമമ്മയും

പൊട്ടിത്തെറിക്കുന്നു ദുഃഖം!

എന്തിന്റെയാണു കുറവെന്നു ചൊല്ലടി

ഒന്നാമതാകാത്തതെന്തേ?

പൂങ്കവിളിൽ നഖം താഴ്‌ത്തുന്നു പെറ്റമ്മ!

കേറണ്ട ഈ വീട്ടിൽ മേലിൽ

കണ്ടുപോകൊല്ലെ എൻ മുന്നിലെന്നച്ഛനും

നാണംകെടുത്തുമസത്ത്‌

ഛെ....അയലൊക്കെക്കാരെ ഞാനെങ്ങനെ നേരിടും

നാറി, ഞാനോഫീസിലാകെ

കഷ്‌ടമാവീട്ടിലന്നത്താഴം വച്ചില്ല!

എങ്ങനെയന്നമിറങ്ങും!!

ശ്രേയയ്‌ക്ക്‌ ‘ര’യ്‌ക്ക്‌ ‘ല’ എന്നുച്ചരിക്കുന്ന പ്രായം!

എം.ആർ.രാജേശ്വരി




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.