പുഴ.കോം > വിശകലനം > കവിത > കൃതി

ആത്മഹത്യയിൽ ഉറുമ്പരിക്കുന്നു

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
കയ്യുമ്മു കോട്ടപ്പടി

കവിത

അച്ഛൻ ഉണങ്ങുന്നു, വയൽ കരിയുന്നു!

അമ്മ വേവുന്നു, വയർ പൊരിയുന്നു!

ഇവർക്കുമിടയിലെ വിയർപ്പുകൾ-

മക്കളൊപ്പുന്നു!

കാലങ്ങളുടെ വേഗതയിൽ

കലങ്ങിത്തെളിയാത്ത നൊമ്പരങ്ങളും

നെടുവീർപ്പുകളും-ബാക്കിയായി...

പുളിച്ച ഭക്ഷണം കാത്തിരിക്കുന്നു!

ഒടുവിൽ...

ആത്മഹത്യയുടെ വേരുകൾ

ഇവർക്കുമിടയിൽ മുളപൊട്ടാൻ

തുടങ്ങവെ,

കർഷകരുടെ സങ്കടം!

പത്രത്താളിൽ വെണ്ടയ്‌ക്കാക്ഷരങ്ങളായ്‌....

മാധ്യമങ്ങളും,

റിപ്പോർട്ടുകളും

കുന്നുപോലെയായ്‌....

മന്ത്രിസഭയിൽ വെളളം ചേർക്കാത്ത

സംഭാഷണങ്ങൾ പെരുകവെ

അവസാനം....

ഒന്നും തീരുമാനിക്കപ്പെടാതെ

ആത്മഹത്യയിൽ ഉറുമ്പരിക്കുന്നു!

സംഭവിക്കാറുളളത്‌

സംഭവിച്ചുകൊണ്ടേയിരിക്കും!

കയ്യുമ്മു കോട്ടപ്പടി




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.