ഗ്രാമത്തിലെ ഏക തപാലാഫീസും നഷ്ടം പറഞ്ഞ് അടച്ചുപൂട്ടാന്‍ പോകുന്നെന്നറിഞ്ഞ നാട്ടിന്‍പുറത്തുകാരിയായ അമ്മ മകന് അവസാന കത്തെഴുതി.
' ഇത് മോനുള്ള അവസാനത്തെ എഴുത്താണ്. ഇബ്ടത്തെ എഴുത്താപ്പീസ് അടച്ചുപൂട്ടാന്‍ പോവാണെത്രെ . അല്ലെങ്കിലും മോനയക്കാറുള്ള അമ്മക്കുള്ള കത്തുമാത്രമായി പെരളിപ്പാടം കടന്ന് ശിപായിച്ചെക്കന്‍ ഇവ്ടെവരെ വരുമ്പോത്തന്നെ അവനെപ്പോഴും ദേഷ്യായിരുന്നു . ഈ തള്ളക്കൊരു മൊബൈല്‍ വാങ്ങി എസ്. എം. എസ് വിട്ടാപ്പോരേന്ന് ചോദിച്ച് . അമ്മക്കൊരു മൊബൈലും വേണ്ട. അതു കൊണ്ടു നടക്കാനും അമ്മക്കറിയില്ല. ആഴ്ചയിലാഴ്ചയില്‍ എഴുത്തിലൂടെ നിന്നെ കണ്ടോണ്ടിരിക്കണ അമ്മക്ക് കാണാനിനി മുതല് ആണ്ടിലൊരിക്കലെങ്കിലും നീ വരണം!
