പുഴ.കോം > ഉണ്‍‌മ > കവിത > കൃതി

കവിയും കടവും

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
കെ.എൻ.കുട്ടി കടമ്പഴിപ്പുറം

കവിത

കളളക്കർക്കിടകത്തിലെ

കറുത്തപക്ഷത്തിൽ

കറുത്തിരുണ്ട മേഘങ്ങൾ

കടവുകളിൽ പെയ്‌തിറങ്ങി

കടവുകൾ നിറഞ്ഞതുകണ്ട്‌

കവിക്കാശ്വാസം

കറുത്തമേഘങ്ങൾ കരിമുഖം കാട്ടി

കവിയുടെ മുഖത്തുനോക്കി

കണ്ണീരൊഴുക്കി

കളളക്കർക്കിടകം നീങ്ങി

പൊൻചിങ്ങമെത്തി

കറുത്ത കവിതയൊന്നു തീർക്കാൻ

കവി പിന്നെയും കടവിലെത്തി

കർക്കിടകത്തിലെ കറുത്തപക്ഷം

കവിക്കും കടവിനും ഒച്ചപ്പാട്‌

(അതൊരു രോദനമാണെന്നത്‌

കവിക്കും കടവിനും അറിയാം)

കറുത്ത കവിതയിലാണ്‌

അകക്കാമ്പെന്ന്‌

കവിയുടെ ഹൃദയത്തിൽ പണ്ടേ

കോറിയിട്ടിരുന്നു.

കടവ്‌ കണ്ടാൽ കവിതയ്‌ക്കുപകരം

ചർച്ചകൾ തീർക്കും നൂറായിരംപേർ

കടവെന്റെ സ്വന്തം കറുത്ത

കവിതയുമെന്ന്‌

അകക്കാമ്പ്‌ നിറച്ചിടാൻ കവിമാത്രം.


കെ.എൻ.കുട്ടി കടമ്പഴിപ്പുറം




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.