പുഴ.കോം > ഉണ്‍‌മ > കവിത > കൃതി

കോമാളിക്കൊപ്പം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
കലാമണ്ഡലം കേശവൻ

കവിത

മുക്കിയും മൂളിയുമെന്നടുക്കൽ

മൽക്കരളേ, നീ ഞരങ്ങിടുന്നു

നൊമ്പരത്തോടതു നോക്കിനില്‌ക്കേ

എൻ പ്രാണനല്ലോ ഞെരിഞ്ഞിടുന്നു

ചെയ്യാത്തതില്ല ചികിത്സയെന്നാൽ

വയ്യാതാകുന്നു നിനക്കു നിത്യം.

വൃദ്ധരാകെ ശക്തിഹീനരാകെ

രുഗ്‌ണത സന്തതശല്യമാകെ

ആരൊരാളുണ്ടു സഹായ,മാധി-

നേരിൽ വീതിക്കാം, കരയാ,മല്ലേ

മക്കൾതൻ ശുശ്രൂഷാ സങ്കല്പത്തിൽ

മുഗ്‌ദ്ധരായ്‌ കാക്കും ദിനങ്ങളൊന്നിൽ

കോമാളിവേഷവുംകെട്ടി മുന്നി-

ലാമൃത്യു ചാടിവീഴുമ്പോളൊപ്പം

നമ്മൾക്കും കൂടെക്കളിക്കാം പോകാം

ജന്മപ്പുതപ്പും വലിച്ചുകീറി.


കലാമണ്ഡലം കേശവൻ

മേളം, ഇടപ്പളളി, കൊച്ചി - 24.
Phone: 0484-2333518




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.