പുഴ.കോം > കുട്ടികളുടെ പുഴ > നഴ്സറി പാട്ട് > കൃതി

ഈ ഈ ഈച്ച

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
സിപ്പി പളളിപ്പുറം

കവിത

ഈ-ഈ- ഈച്ച

ഈച്ചശല്യം നാട്ടിൽ.

ഈ-ഈ-ഈറ്റ

ഈറ്റയ്‌ക്കെന്തു നീളം!

ഈ-ഈ-ഈണം

ഈണമുളള പാട്ട്‌!

ഈ-ഈ-ഈര്‌

ഈരു മൂത്താൽ പേന്‌!

മിന്നാമിന്നോ കന്നിനിലാവോ?

അന്നമനടയിലെ

അന്നമ്മയ്‌ക്കൊരു

മിന്നും പൊന്നിൻ

മിന്നു കൊടുത്തതു

മിന്നാമിന്നോ

കന്നിനിലാവോ

ചിന്നങ്ങത്തെ-

പ്പൊൻ തട്ടാനോ?

ഭ്രാന്തുണ്ടോ?

കരച്ചിലുണ്ടേ ചിരിയുണ്ടേ

ഇടയ്‌ക്കിടയ്‌ക്കൊരു പാട്ടുണ്ടേ

കോപ്രായങ്ങൾ പലതുണ്ടേ

കടലിന്നെന്താ ഭ്രാന്തുണ്ടോ?

ഇട്ടിച്ചിരി

തട്ടാൻപടിയിലെ-

യിട്ടിക്കോരനു

തട്ടാനറിയാം

മുട്ടാനറിയാം

ഇട്ടിച്ചിരിയുടെ

മണ്ടയ്‌ക്കിട്ടൊരു

കൊട്ടുകൊടുക്കാൻ

നന്നായറിയാം.

ശാശാ-ശീശൂ

ആഹാ നല്ലൊരു ദോശ

ആശയുണർത്തും-ദോശ

കാശിനു കിട്ടും-ദോശ

‘ശാശാ-ശീശൂ’-ദോശ!

സിപ്പി പളളിപ്പുറം

1943 മെയ്‌ 18 ന്‌ എറണാകുളം ജില്ലയിലെ വൈപ്പിൻ പളളിപ്പുറത്തു ജനിച്ചു. 1966-മുതൽ പളളിപ്പുറം സെന്റ്‌ മേരീസ്‌ ഹൈസ്‌കൂളിൽ അധ്യാപകനായിരുന്നു. ദേശീയവും പ്രാദേശീകവുമായ നിരവധി അവാർഡുകൾ നേടിയ സാഹിത്യകാരൻ. കഴിഞ്ഞ മൂന്നു ദശകങ്ങളായി മലയാള ബാലസാഹിത്യരംഗത്ത്‌ പ്രവർത്തിച്ചു വരുന്നു. കുട്ടികളുടെ വികാരവിചാരങ്ങൾക്കനുസരിച്ച്‌ തൂലിക ചലിപ്പിച്ച്‌ അവരെ വിസ്‌മയലോകത്തിലാറാടിക്കുന്ന എഴുത്തുകാരൻ. ഇതിനകം അമ്പത്തിയഞ്ച്‌ ബാലസാഹിത്യകൃതികൾ പ്രസിദ്ധീകരിച്ചിട്ടുണ്ട്‌. 1985-ൽ ‘ചെണ്ട’ എന്ന കൃതിക്ക്‌ ബാലസാഹിത്യത്തിനുളള ദേശീയ അവാർഡ്‌ ലഭിച്ചു. പൂരം, തത്തകളുടെ ഗ്രാമം, അപ്പൂപ്പൻ താടിയുടെ സ്വർഗ്ഗയാത്ര, പപ്പടം പഴം പായസം, തത്തമ്മേ പൂച്ച പൂച്ച, തേൻതുളളികൾ, മിന്നാമിനുങ്ങ്‌, ഉണ്ടനും ഉണ്ടിയും പുലിയച്ചനും, നൂറുനേഴ്‌സറിപ്പാട്ടുകൾ, ചന്ദനപ്പാവ, മയിലും മഴവില്ലും, കാട്ടിലെ കഥകൾ, കുറുക്കൻ കഥകൾ, ഗുരുഭക്തിയുടെ കഥകൾ, ഉണ്ണികൾക്ക്‌ നല്ലകഥകൾ, നമ്പൂര്യച്ചനും ഭൂതവും, പാവയ്‌ക്കക്കുട്ടൻ, കുരങ്ങാട്ടിയും കളളനോട്ടുകാരും, പാൽക്കിണ്ണം, സ്വർണക്കമ്പിളി, കഥകഥപ്പൈങ്കിളി എന്നിവയാണ്‌ പ്രധാന കൃതികൾ.

ഭാര്യഃ മേരീസെലിൻ, മക്കൾ ഃ ശാരിക, നവനിത്‌.

വിലാസം ഃ പളളിപ്പോർട്ട്‌ പി.ഒ, കൊച്ചി- 683515.




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.