പുഴ.കോം > പുഴ മാഗസിന്‍ > കവിത > കൃതി

മറവി

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
തങ്കൻ.പി.തൊളിക്കോട്‌

കവിത

പഴയതൊക്കെയും

മറക്കാൻ നോക്കവെ

പടിയിറങ്ങിവ-

ന്നിറയത്തെത്തിയെൻ

കരളിൽ കുത്തുന്നു

കനത്ത ദംഷ്‌ട്രകൾ!

പുലിനഖമായി

പുനർജ്ജനിക്കുന്നു

നരസിംഹമായി-

ട്ടവതരിക്കുന്നു.

വരുന്നു പൂച്ചയായ്‌-

പ്പതുങ്ങിയുളളിലെ

കനവെല്ലാം നക്കി-

ത്തുടച്ചെടുക്കുന്നു.

കരണ്ടെടുക്കുന്നു

പ്രണയ നൂലിഴ

അതേതു കാട്ടിലോ

കടന്നൊളിക്കുന്നു.

പഴയതൊക്കെയും

മറവിയായ്‌ മാറ്റാ-

നിവനിനിയെത്ര

സ്‌മൃതി കടക്കണം.

നിനവിലോർമ്മകൾ

പുകഞ്ഞു കത്തുന്നു

നിമിഷവും കരൾ

പറിച്ചെടുക്കുന്നു.

നടുക്കത്തോടെയെൻ

മനമൊരുങ്ങുന്നു

മൃതിവരും കാത്തെൻ

കഴൽ കനക്കുന്നു!


തങ്കൻ.പി.തൊളിക്കോട്‌

വിലാസം

തങ്കൻ. പി. തൊളിക്കോട്‌,

മലയാള വിഭാഗം,

ക്രിസ്ത​‍്യൻ കോളേജ്‌,

കാട്ടാക്കട,

തിരുവനന്തപുരം.




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.