പുഴ.കോം > പുഴ മാഗസിന്‍ > ചോദിക്കുക > കൃതി

അഭിമന്യുവിനോടു ചോദിക്കാം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
അഭിമന്യു

ചോദ്യോത്തരപംക്‌തി

1. അഡ്വഃ ബെൻസീർ, കൊച്ചിൻ.

ചോ ഃ ഇറാഖിലേക്ക്‌ സേനയെ അയയ്‌ക്കില്ലെന്ന്‌ പ്രധാനമന്ത്രി വാജ്‌പേയ്‌ വാശിപിടിക്കുന്നത്‌ എന്തിനാണ്‌?

ഉ ഃ പണ്ട്‌ ശ്രീലങ്കയിലേയ്‌ക്ക്‌ സൈന്യത്തെ അയച്ച ഒരു പ്രധാനമന്ത്രിയുടെ ഗതി ഓർത്തിട്ടാവും... പാവം.

**********************************************************

2. രാമനാഥൻ.എം., ദുബായ്‌.

ചോ ഃ മോഹൻലാലിന്റേയും മമ്മൂട്ടിയുടേയും സമീപകാല ചിത്രങ്ങൾ മാലപ്പടക്കം പോലെ പൊട്ടുവാൻ കാരണമെന്താണാവോ?

ഉ ഃ രാമനാമം ജപിച്ച്‌ ശിഷ്‌ടകാലം കഴിയേണ്ട ചില കാർന്നോന്മാർ പഞ്ചായത്ത്‌ വഴിയരുകിൽനിന്ന്‌ കൊച്ചുപെൺപിളേളരെ വായിട്ട്‌ നോക്കി നിന്നാൽ എന്തോന്ന്‌ ചെയ്യാനാ...

**********************************************************

3. എ.എ.ഗിരീന്ദ്രൻ, ആലപ്പാട്ട്‌ ഹൗസ്‌, കൊല്ലം.

ചോ ഃ പി.സി. തോമസ്‌ കേന്ദ്രമന്ത്രിയായപ്പോൾ കെ.എം. മാണിക്ക്‌ എന്തു തോന്നിക്കാണും?

ഉ ഃ കണ്ടുകണ്ടിങ്ങിരിക്കും വിമതരെ തണ്ടിലേറ്റി നടത്തുന്നതും ബി.ജെ.പി.

മാളിക മുകളേറിയ മാണീടെ തോളിൽ......

**********************************************************

4. ബെനഡിക്‌ട്‌ ജോർജ്‌, യു.എസ്‌.എ.

ചോ ഃ പരസ്പരം പ്രണയിക്കുന്നവർ നേരിടുന്ന ഏറ്റവും വലിയ ദുരന്തമേത്‌?

ഉ ഃ പ്രണയിച്ചവർ പിരിയുന്നതാണ്‌ ഒരു വലിയ ദുരന്തം, ഒപ്പം പ്രണയിച്ചവർ വിവാഹം കഴിക്കുന്നതും വലിയ ദുരന്തമാണ്‌ എന്നു പറഞ്ഞ സിനിമാനടൻ ശ്രീനിവാസനെ ഇവിടെ ഓർമ്മിക്കാം.

**********************************************************

5. മുഹമ്മദാലി. പി.എം., ഷാർജ.

ചോ ഃ കേരളം എത്ര സുന്ദരമാണ്‌, നിറയെ പച്ചപ്പ്‌..... പുഴകൾ.... സുന്ദരമായ കായലുകൾ.... ഗ്രാമങ്ങളുടെ നൈർമല്ല്യം.... എല്ലാത്തരത്തിലും ദൈവത്തിന്റെ സ്വന്തം നാടുതന്നെ... തിരിച്ചെത്തുവാൻ കൊതിയാകുന്നു...

ഉ ഃ ഇത്രമാത്രമല്ല ബാക്കി കുറച്ചു കൂടിയുണ്ട്‌,.. മാറാട്‌, മുത്തങ്ങ, കുപ്പണ വ്യാജമദ്യം, മണലൂറ്റ്‌.... പിന്നെ ഗതിയില്ലാത്ത സർക്കാരും... വേഗം വരൂ നല്ല രസമാ....

**********************************************************

അഭിമന്യു

വായനക്കാർക്ക്‌ അഭിമന്യുവിനോട്‌ എന്തും ചോദിക്കാം. അഭിമന്യു ചക്രവ്യൂഹത്തിലെ അടവുകൾ പഠിച്ചവനാണ്‌ എന്നോർക്കുക. അഭിമന്യുവിനെ ഉത്തരം കിട്ടാതെ അടിയറവു പറയിക്കുന്ന ചോദ്യത്തിന്‌ 250 രൂപാ വിലയുളള പുസ്‌തകങ്ങൾ സമ്മാനമായി നൽകുന്നതാണ്‌. ഇ-മെയിലിൽ ചോദ്യങ്ങൾ ഇംഗ്ലീഷിലും അയക്കാവുന്നതാണ്‌. അത്‌ പരിഭാഷപ്പെടുത്തി പ്രസിദ്ധീകരിക്കുന്നതാണ്‌.


E-Mail: abhimanyu@puzha.com




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.