പുഴ.കോം > പുഴ മാഗസിന്‍ > കവിത > കൃതി

ഓട്ടോഗ്രാഫ്‌

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
പാട്യം വിശ്വനാഥ്‌

കവിത

ഉദ്ധരിക്കുവാൻ നാലു-

വരി പ്രേമത്തിൻ നേർത്ത-

സ്‌പർശമിത്തിരി തത്ത്വ-

ജ്ഞാനമൊരുദ്‌ബോധനം,

സാന്ത്വനം സ്നേഹത്തോടെ-

ഭാവുകങ്ങളോടാത്മ-

സ്‌പന്ദന സമന്വിതം

സഹർഷം സഖേ നീങ്ങും

ജീവിതപഥങ്ങളിൽ

നിനക്കെന്നഭിവാദ്യം!

ചുവടെപ്പേരും വീട്ടു-

പേരുമെൻ പിൻകോഡും ഞാ-

നെഴുതിത്തരാം വരൂ.

വർണ്ണാഭമോട്ടോഗ്രാഫി-

നൊരുതാളെനിക്കായി-

ക്കാണുമീ വിരഹത്തിൻ-

വ്യഥപേറിടും ശപ്‌ത-

സായാഹ്‌നശോണാഭയിൽ,

പുകയും മനസ്സൊരു-

ഭാരമായ്‌ മാറുമ്പോഴും-

പുലരും പ്രഭാതത്തെ-

കാത്തിരിക്കുവോർ നമ്മൾ.

ചെത്തിയും മിനുക്കിയും-

വാക്കുകൾ വേർപാടുകൾ-

ക്കർത്ഥപൂർണ്ണിമ നൽകാ-

നണിയിച്ചൊരുക്കുന്നോർ.


പാട്യം വിശ്വനാഥ്‌

വിലാസം

പാട്യം വിശ്വനാഥ്‌

ഫാക്‌ട്‌ - കൊച്ചിൻ ഡിവിഷൻ

അമ്പലമേട്‌ പി.ഒ.

കൊച്ചിൻ - 682 303.




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.