പുഴ.കോം > പുഴ മാഗസിന്‍ > കവിത > കൃതി

ആന്റണിയുടെ മൂന്നു കവിതകൾ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ആന്റണി കെ.വി.

കവിത

* * * * * * * * * * * * അപകടം * * * * * * * * * * * *

റോഡിലപകടം

ലോറിയും ജീപ്പും ഇടിച്ച്‌

മരിച്ചൊരാൾ

ഞാനറിയാത്തൊരാൾ

എന്നെയറിയാത്ത

അജ്ഞാത ഹൃത്തൊരാൾ

ചോരയിൽ

അഞ്ചുനിമിഷപിടച്ചിലിൽ

എൻചോരയായയാൾ

* * * * * * * * * * * * ഗാന്ധി * * * * * * * * * * * *

എടുക്കുന്തോറും ഭാരം

ചുമലിൽ മുറുകുന്നു.

അയഞ്ഞവഴിയുടെ

യാത്രകൾ ചുളിയുന്നു

കൈയ്യിലെ വടിയുടെ

കാണായ അഗ്രത്തിങ്കൽ

കൈത്തഴപ്പുകൾ മാത്രം

ചരിത്രം സാക്ഷ്യമാകാൻ

* * * * * * * * * * * * കുയിൽ * * * * * * * * * * * *

കാക്കയ്‌ക്ക്‌ പാടാൻപറ്റും

വിശപ്പിൽ; ഭക്ഷണത്തിൻ

ഇത്തിരി സമൃദ്ധിയിൽ

ചുളളികൾ കൂട്ടികൂട്ടി

സൃഷ്‌ടിക്കും കൂടിൻമൃദു

ജീവന നിശ്വാസത്തിൽ;

മുട്ടകൾക്കു മീതെയായ്‌

മുട്ടാത്ത സ്‌നേഹത്തിന്റെ

മുട്ടിയുരുമ്മലിലായ്‌;

കുഞ്ഞിളം കൊക്കിലേയ്‌ക്ക്‌

പടർത്തും ഇളംചൂടിൻ

നിതാന്ത ജാഗ്രതയിൽ;

പറക്കാൻ പഠിക്കുന്ന

കുഞ്ഞിനോടൊപ്പം ജീവൻ

പൊലിപ്പിക്കും വാഴ്‌ചയിൽ;

കൂകുന്ന കുയിൽക്കുഞ്ഞിൻ

വായ്‌ത്താരിയകന്നുപോം

മാതൃവിലാപത്തിൽ;

കാക്കയ്‌ക്കു പാടാൻപറ്റും

കുയിലിനേക്കാൾ ഏറെ

ദൂരത്തിൽ ഉയരത്തിൽ!

ആന്റണി കെ.വി.

വിലാസംഃ

ആന്റണി കെ.വി.,

കൂട്ടാലവീട്‌,

പിരാരൂർ,

കാലടി തപാൽ,

683 574




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.