പുഴ.കോം > പുഴ മാഗസിന്‍ > കവിത > കൃതി

വിധിവിശേഷം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
മണി.കെ.ചെന്താപ്പൂര്‌

കവിത

പനിക്കിടക്കയിൽ

പൊളളിപ്പുതയ്‌ക്കുമ്പോൾ

തണുവിരൽ സ്പർശം

കൊതിച്ചിരുന്നവൻ.

ചുമപ്പടക്കങ്ങൾ തുരുതുരെ

പൊട്ടിവിയർത്തു വീഴുമ്പോൾ

നെഞ്ചിൽ-

മൃദുവിരലോട്ടം കൊതിച്ചിരുന്നവൻ.

(മൊഴിയിലാശ്വാസം

ഔഷധമായും

മിഴിയിൽ സ്‌നേഹത്തിൻ

കടൽ കണ്ടുമങ്ങനെ.)

അന്നപാത്രങ്ങൾ നേരം തെറ്റുമ്പോൾ

ഉറിയിലത്താഴം ഉറുമ്പരിക്കുമ്പോൾ

ശുഭവിചാരങ്ങൾ കടലെടുക്കുമ്പോൾ

തണൽമരങ്ങൾ വേരുളുന്തു വീഴുമ്പോൾ

കൊതിച്ചു പോയവൻ

ഒരു കുളിർ നദി.

പക്ഷേ-

ശപിക്കയാണവൻ

തപിക്കയാണവൻ

കൊതിക്കുവാൻ

അന്തർമോഹദാഹങ്ങൾ

പൊരിഞ്ഞുപൊട്ടുവാൻ

കാലകല്പന

പ്രതികൂലം മഹാന്യായാധിപൻ വിധി.


മണി.കെ.ചെന്താപ്പൂര്‌

മണി കെ.ചെന്താപ്പൂര്‌, നാളെ ബുക്‌സ്‌, ഗ്രാമം മാസിക, കൊല്ലം - 691 577. ഫോൺ ഃ 0474 707467




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.