പുഴ.കോം > പുഴ മാഗസിന്‍ > കവിത > കൃതി

ആൽമരം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
മാത്യൂസ്‌ കുറിയാക്കോസ്‌

അലകളായുലഞ്ഞരികിൽ സല്ലപി-

ച്ചിലകളിൽ പുണർന്നതിരമിക്കുകിൽ

നിലമറന്നുഞ്ഞാൻ പ്രണയചിത്തനായ്‌

വലയുമെന്നു കൊതിച്ചുവോ?

കുളിരുമൂടിയെൻ തളിരിലമരുകിൽ

പുളകമാർന്നു നിൻ ഹിമപടങ്ങളിൽ

തെളിയുവാൻ കഴിയാത്ത മേൽ ഞാൻ

ഒളിയുമെന്നു നീ കരുതിയൊ?

കാതിലളികളായ്‌ പാടിയാ-

ലതിലലിയുമെൻ മനമെങ്കിലും

മദമാടിയടിമുടിയിളകി ഞാൻ

മതിമറക്കുമെന്നു മോഹിച്ചുവൊ?

ചുഴലിയായി വന്നലറി വീശുകിൽ

ഉഴറി ശാഖകൾ വിറയുമെങ്ങിലും

ആഴമേറെയമർന്ന വേരുകൾ

പുഴകുമെന്നു നിനച്ചുവോ?

പിറവിയിൽ നിറയമ്മയോതിയൊ-

രറിവിൽ വിരുതറിയുമ്പൊഴും

നിറ യൗവ്വനം പൂണ്ടിളകുമീ

യരയാൽമരം നിൻ കാമുകൻ

മാത്യൂസ്‌ കുറിയാക്കോസ്‌

ANCG - 47413,

POB - 11193,

Dubai.


Phone: 0971506526187




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.