പുഴ.കോം > പുഴ മാഗസിന്‍ > കവിത > കൃതി

രണ്ടു കവിതകൾ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
മണി.കെ.ചെന്താപ്പൂര്‌


ഗാന്ധി

യാത്രയിൽ കണ്ടു
നിയമസഭാ മന്ദിരത്തിന്‌ മുന്നിൽ
കുനിഞ്ഞിരിക്കുന്ന
ഗാന്ധിയെ...
അടുത്തെത്തി ഞാൻ
ഒച്ചതാഴ്‌ത്തി ചോദിച്ചു
‘മഹാത്മാവേ
തലയുയർത്താത്തതെന്ത്‌“
ഒരിടത്തും തലക്കുനിക്കാത്തവന്റെ
തലയുയർന്നില്ല
ഒരുവാക്ക്‌ വന്നില്ല
നോക്കി നിൽക്കെ
ചുളിഞ്ഞ മുഖത്ത്‌
തെളിഞ്ഞു കണ്ടതിങ്ങനെ
”നേരും നെറിയുമുള്ളോരാരും
നേർമുന്നിലില്ലീയിരിപ്പ്‌ നന്ന്‌“



മടങ്ങിവന്ന ഹൃദയം

എനിക്ക്‌
ഇന്നലെ മടക്കത്തപാലിൽ
വരണ്ടുണങ്ങിയ
ഹൃദയം കിട്ടി.
നദികൾക്കും
മലകൾക്കും
അപ്പുറത്തെ ചെമ്പരത്തിക്ക്‌
പോസ്‌റ്റു ചെയ്ത
എന്റെ ഹൃദയമായിരുന്നു
അത്‌.

മണി.കെ.ചെന്താപ്പൂര്‌

മണി കെ.ചെന്താപ്പൂര്‌, നാളെ ബുക്‌സ്‌, ഗ്രാമം മാസിക, കൊല്ലം - 691 577. ഫോൺ ഃ 0474 707467




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.