സമാന്തര രേഖകൾ

കഴിഞ്ഞ ജന്മം അവളൊരു മുല്ലവളളിയായിരുന്നു

പടർന്നു കയറാൻ ഉറപ്പുളള വൃക്ഷം തേടി

അവൾ ഭൂമിയാകെ അലഞ്ഞു

ഈ ജന്മം അവൾ മുല്ലവളളിയുടെ ആത്മാവുളള

തണൽ വൃക്ഷമായി പിറന്നു

അവളുടെ ആത്മാവ്‌ അപ്പോഴും

ഭാവനയിലെ മരത്തെ തേടി അലഞ്ഞു.

ഒടുവിൽ അവൾ ആ മരം കണ്ടെത്തി

ഒരു സമാന്തര രേഖയിൽ, ഒരു ശിഖരപ്പാടകലെ

വർണ്ണങ്ങൾക്കും സ്വപ്‌നങ്ങൾക്കും ഇടയിൽ

അവളുടെ ആകാരവും ആ അന്തരവും

ഒരു ശാപമായ്‌...