പുഴ.കോം > പുഴ മാഗസിന്‍ > കവിത > കൃതി

ഋതു സംഹാരം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ആര്‍. എസ് രാജീവ്

നിലാവിന്‍റെ പടികളില്‍ ഇരുന്ന് അമ്മ കാലത്തെ ചികഞ്ഞെടുത്ത് നിരാശയായി;

ഇല്ല ഒന്നുമില്ല.
ഒക്കെ മഞ്ഞുമാത്രം.

ആല്‍തറയുടെ ചാരെ ചീട്ടുകളില്‍ മുഖം പൂഴ്ത്തി
അച്ഛന്‍ നിര്‍വൃതി പൂണ്ടു;

അല്ല എന്തോ ഉണ്ട്.
ഒരു വസന്തത്തിന്റെ
പൊടിപ്പു പോലെ .

നിറം മങ്ങിയ പട്ടുസാരി
ഇസ്തിരിയിട്ട് കൊണ്ട് മകള്‍ പറഞ്ഞു;

ഈ വേനല്‍ എന്നാണ്
അവസാനിക്കുക?

വിജനമായ രാത്രിവണ്ടിയില്‍
ഒരു നിദ്ര സ്വപ്നം കണ്ടു കൊണ്ട്
മകന്‍ അസ്വസ്ഥനായി;

ഒരു പ്രളയം
എന്നാണ് വരിക?

ഞാന്‍
ഞാന്‍ മാത്രം ;

വര്‍ഷത്തിനും വേനലിനും ഇടയില്‍;
വസന്തത്തിനും ഗ്രീഷ്മത്തിനും അകലെ;
പുണ്യത്തിനും പാപത്തിനും അപ്പുറം;
പ്രണയത്തിനും വെറുപ്പിനും താഴെ;
ഒന്ന് പൊട്ടിത്തെറിക്കാന്‍ പോലും ആവാതെ.......

ആര്‍. എസ് രാജീവ്


E-Mail: drrsrajeev@gmail.com




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.