പുഴ.കോം > പുഴ മാഗസിന്‍ > കവിത > കൃതി

അവസ്ഥ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
കയ്യുമ്മു കോട്ടപ്പടി

സുഗന്ധമൂറുന്ന കാറ്റിൽ

എന്റെ ‘മുഖ’മുരസിയപ്പോൾ

ഞാനറിഞ്ഞില്ല നീയെന്റെ-

കൂടെയുണ്ടെന്ന്‌!

പിരിഞ്ഞിടം കൈമാറിയ

ഒരു പ്രേമവാഗ്‌ദാനം

ഒരു സന്ധ്യയുടെ

നെരിപ്പോടിലുരുകിത്തീർന്നപ്പോഴും

ഞാനറിഞ്ഞില്ല നിന്റെ യൗവ്വനം-

ഞാനുറക്കിക്കിടത്തുമെന്ന്‌!

ഒരിക്കൽ...

ഒരു സ്വപ്നത്തിന്റെ ഞെട്ടിൽ

വിരിഞ്ഞു തീരാറായ മാധുര്യം

താരാട്ടിന്റെ ഈണത്തിൽ

കരളിൽ ചേർത്തുവച്ച നേരവും

ഞാനറിഞ്ഞില്ല

നീ ഈ തീരത്തണയുമെന്ന്‌!

ഒരു ദേശാടനപക്ഷിയുടെ ലാഘവത്തോടെ

ബഹുദൂരം സഞ്ചരിച്ച്‌ മടങ്ങവെ

ഞാനിപ്പോൾ അറിഞ്ഞുപോയി

എല്ലാം ഒരു പ്രണയത്തിൽ വിരിഞ്ഞ

ഗസൽപെയ്‌ത്തിന്റെ നീരൊഴുക്കാണെന്ന്‌!

ഇപ്പോൾ...

അറിഞ്ഞിടം തീർത്തും

അപരിചിതത്വം നടിച്ച്‌,

പടവുകളിൽ നിന്ന്‌

പടവുകളിലേക്കായ്‌ കയറിപ്പോകെ,

‘നര’പിരിഞ്ഞെടുത്ത വാർദ്ധക്യം

സഞ്ചാരക്ലേശത്താൽ

മജ്ജയും മാംസവും ഉണക്കിപ്പൊടിച്ച്‌..

നേരിന്റെയംശമില്ലാത്തിടത്തേക്ക്‌

ഒളിസേവ ചെയ്യാനുള്ള

ഒരു കുതിച്ചുകയറ്റം!!!

കയ്യുമ്മു കോട്ടപ്പടി

1962-ൽ ജനിച്ചു. തൃശൂർ ജില്ലയിലെ ചാവക്കാട്‌ താലൂക്കിൽ കോട്ടപ്പടിയിൽ താമസം. ചെറുപ്പം മുതൽ കവിതയിലും മാപ്പിളപ്പാട്ടിലുമായിരുന്നു താത്‌പര്യം. കഥ,കവിത, മാപ്പിളപ്പാട്ട്‌, ലളിതഗാനം കൂടാതെ നോവൽ, നോവലെറ്റ്‌, തിരക്കഥ, നാടകം തുടങ്ങിയവ എഴുതിയിട്ടുണ്ട്‌. 1990-ൽ ആകാശവാണി തൃശൂർ നിലയത്തിലൂടെയാണ്‌ കവിത പ്രക്ഷേപണം ആരംഭിച്ചത്‌.

വിലാസം

വി. കയ്യുമ്മു,

വൈശ്യം ഹൗസ്‌,

ചിറ്റേനി,

കോട്ടപ്പടി പി.ഒ.

തൃശൂർ ജില്ല

680505
Phone: 9946029925




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.