ഒത്തിരിയൊത്തിരിമോഹങ്ങൾ തൻ,
സ്വർണനൂലുകൊണ്ട്‌ കോർത്തെടുത്ത,
ഹാരം ഞാനെന്റെ ഹൃദയത്തിൽ,
ചേർത്തുവെച്ച,്‌ ഇത്രയും കാലം.
മുന്നോട്ടു നീങ്ങിക്കൊണ്ടേയിരുന്നു;
മോഹവലയത്തിന്‌ ശക്തിയപാരം.
പഠിയ്‌ക്കുന്ന കാലത്ത്‌,
നല്ല മാർക്ക്‌ വാങ്ങി,
ഒന്നാമനാകണ-
മെന്നതായിരുന്നു മോഹം.
ഒന്നാമനൊന്നുമായില്ല എങ്കിലും,
ബിരുദവും നേടി, വലിയ പദവിയി-
ലുദ്യോഗം ഭരിയ്‌ക്കാനായിരുന്നതെല്ലാം.
ഇപ്പോൾ, തൊഴിൽരഹിതൻ,
കഴിഞ്ഞ രണ്ടു കൊല്ലമായ്‌ അലയുന്നു,
ഇന്ന്‌ കിട്ടും, നാളെ കിട്ടും,
ജോലി, വേതനം, എല്ലാം - പിന്നെ വിവാഹം.
എന്തെല്ലാം മോഹങ്ങൾ,
പൂവണിയാത്ത മോഹങ്ങൾ,
എങ്കിലും, മുന്നോട്ടു ഗമിയ്‌ക്ക തന്നെ,
സ്വയമന്ത്യം വരുത്താനധികാരമില്ലല്ലോ.
