പുഴ.കോം > പുഴ മാഗസിന്‍ > കവിത > കൃതി

രണ്ട്‌ കവിതകൾ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
സജീവ്‌. വി. കിഴക്കേപ്പറമ്പിൽ

അക്ഷരപ്പനി

പനി
ഉടലിലൊക്കെ ഉറഞ്ഞടിഞ്ഞ
കെടുതി മാറ്റി ഉഷ്‌ണവഴിതാണ്ടി
ഉയിരേകുമെന്ന്‌
ധന്വന്തരീയോഗം

പടം കൊഴിഞ്ഞ്‌
പഴമ തേഞ്ഞുമാഞ്ഞ്‌
പുതിയകാലം വരമഞ്ഞളാടി
പുടമുറിച്ച്‌ കാവു തീണ്ടുമെന്ന്‌
ഉതഗസൂക്‌തം......

ഉടലും മനവും
ഉ​‍ുരുകി തുളുമ്പും
കാൽപ്പനീക വഴികളിൽ
അക്ഷരപ്പനി
പടംപൊഴിക്കും
പുനർജ്‌ജനി ആവുമെന്ന്‌
പുരാവൃത്തം........



അർത്ഥന

ഒരു നൂൽതിരി നുറുങ്ങ്‌ നാളം
ഇരുൾ വഴിയിൽ എനിക്കു നൽക്കുക
പഴയ നന്തുണി, കരൾ നനച്ചു-
സ്‌നേഹഗീതികളൊക്കെ നൽകുക;
നാവിൽനാരായം
ഹരിശ്രീ നിറയ്‌ക്കുക
ഇലച്ചീന്തിൽ പാഥേയം
വഴിത്തണലിൽ ഇളനീർ കുളിർ
എനിക്കായ്‌ നൽകുക,

നൂറ്‌ വെറ്റില വയൽക്കാറ്റ്‌
പുഴത്തോറ്റം തിമിലതാളം
ഒക്കെ നൽകുക.

ഒരുചില്ല
ഒരാകാശം
കുരുന്നു ചിറകുകൾ
കടലിരമ്പും നൊമ്പരകടവിലും
കനിവിന്റെ ശാഖകൾ
എനിക്കു നൽകുക.

സജീവ്‌. വി. കിഴക്കേപ്പറമ്പിൽ


E-Mail: sajeevkezhakeparambil@yahoo.co.in




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.