പുഴ.കോം > പുഴ മാഗസിന്‍ > കവിത > കൃതി

സ്മൃതി

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
രാജു കാഞ്ഞിരങ്ങാട്‌

സ്മൃതികളുടെ

ചുവന്ന ഞരമ്പ്‌

ഹൃദയത്തിൽ നിന്നും

കണ്ണിലേക്കാവാഹിച്ച്‌

വാക്കുകളായുതിരുമ്പോൾ

കൂടൊഴിഞ്ഞ പക്ഷികളുടെ-

തിരിച്ചുവരവ്‌

കഴിഞ്ഞുപോയ കാലത്തിന്റെ

അരിമണി കൊത്തിപ്പെറുക്കുമ്പോൾ

കൊക്കിൽ തടഞ്ഞത്‌

കദനത്തിന്റെ കാരമുള്ള്‌

മറക്കുവാൻ കഴിയുമോ

ചിറകറുത്താലും പറക്കുന്ന

യൗവനത്തെ

കുഴഞ്ഞു വീണപ്പോൾ

കൂച്ചുവിലങ്ങിലെന്നറിഞ്ഞപ്പോൾ

പടിയടക്കേണ്ടിവന്നു

വാതിലിൽത്തട്ടി നീ-

ആർത്തലച്ചപ്പോൾ

ഇളകിയാടുന്ന സാക്ഷ നീക്കുവാൻ

കഴിയുമായിരുന്നില്ലെനിക്ക്‌

വെറുക്കരുതെന്നെനീ

മറന്നുകൊൾക

മായാതൊരു ചിത്രം മനസ്സിലുണ്ട്‌

മൃതിവരും കാലത്തെക്കാത്തിരിക്കുന്ന ഞാൻ

മതിവരുവോളം മുറുകേ-

പുണർന്നിടും നിൻസ്മൃതി

രാജു കാഞ്ഞിരങ്ങാട്‌

ചെനയന്നൂർ, കാഞ്ഞിരങ്ങാട്‌ പി.ഒ., കരിമ്പം വഴി, തളിപ്പറമ്പ-670142, കണ്ണൂർ


Phone: 9495458138




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.