പുഴ.കോം > പുഴ മാഗസിന്‍ > കവിത > കൃതി

ആത്മകഥ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
സാജു പുല്ലൻ


കാഴ്ചകള്‍ തിങ്ങി കയറി
കണ്ണുകള്‍
പുറത്തേക്ക് തൂങ്ങുന്നു

കേള്‍വികള്‍ ചെവിക്കുള്ളില്‍ കടന്ന്
പതുങ്ങിയിരുന്ന്
പിന്നില്‍ നിന്നു കുത്തുന്നു

ശബ്ദം
തൊണ്ടച്ചതുപ്പില്‍
കുതറി
കുഴഞ്ഞു
താണു താണു പോകുന്നു

ജലവഴിയിലേക്കിറങ്ങാനാഞ്ഞ
കൈകാലുകളുടെ താളം
വഴിതെറ്റി നില്‍ക്കുന്നു

നിറഞ്ഞ നദിയില്‍
ഇവയ്ക്കൊക്കെയും വേദിയായ
എന്നെയും ഏറ്റി
അഴിമുഖത്തേക്കു കുതിക്കുന്നു
ഒരു തോണി

ഏതെങ്കിലും ഒരു കരയിലേക്ക്
അടുപ്പിക്കു
തോണിക്കാരാ...
യാത്രയുടെ ഭാരം താങ്ങാതെ
തോണി ഉലയുന്നത്
കാണുന്നില്ലേ?

സാജു പുല്ലൻ

പുല്ലൻ ഹൗസ്‌,

മഞ്ഞപ്ര പി.ഒ.,

എറണാകുളം ജില്ല.

പിൻ - 683 581.


Phone: 0484-2690652, 9846243198




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.