പുഴ.കോം > പുഴ മാഗസിന്‍ > കവിത > കൃതി

പിറവി

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ശ്രീകൃഷ്‌ണദാസ്‌ മാത്തൂർ

അതിരാവിലെ ആദ്യപൂങ്കോഴി-

ക്കൊപ്പമുരുകിപ്പോയ പാറകൾ,

കഴുവിലേറ്റിയിട്ടു കൊലച്ചോരയപ്പാടെ

കഴുകിക്കളഞ്ഞ ന്യായാന്യായങ്ങൾ,

സിരകളിൽചുറ്റികത്തല്ലുകൊ-

ണ്ടാണികയറി കുത്തിനീറ്റുമ്പോഴും

പുണ്യപറുദീസതൻ ഭിക്ഷാംദേഹികൾ...

ആകാശക്കൊമ്പത്തോളമുയർ-

ന്നർദ്ധനഗ്നനായ്‌ ചോരയിൽ കുളി-

ച്ചിഹപരത്തിന്റെ നാഥനായവൻ, നിന-

ക്കിവരുടെ സ്നേഹോപഹാരങ്ങ-

ളിത്രയെന്നാകിലും ദൈവമേ,

കരിങ്കല്ലറ തട്ടിപ്പൊളിച്ചു വീണ്ടും

പഴയപാലാഴിപ്പുഞ്ചിരി പൊഴിച്ച്‌

ഉയർന്നുവന്നവൻ, നീയുന്നതൻ!

കിഴക്കുനിന്നുമിപ്പൊഴും കുറെ

കൗതുകങ്ങളുറക്കമൊഴിഞ്ഞു വരുന്നു-

ണ്ടവർക്കുമുമ്പേ നടക്കുക നീ

നഭസ്‌സിലുദിച്ച താരകമേയീ രാത്രി.

എവിടെയെങ്കിലും അവൻ പിറന്നിരിക്കും,

അതെന്റെയുള്ളിലാണെങ്കിലോ...!

ശ്രീകൃഷ്‌ണദാസ്‌ മാത്തൂർ

പത്തനംതിട്ടയിലെ മാത്തൂർ ഗ്രാമത്തിൽ ജനിച്ചു. മാതാവ്‌ഃ ശ്രീമതി ഇന്ദിരാമ്മ, പിതാവ്‌ഃഃ ശ്രീ ജനാർദ്ദനൻ നായർ. പ്രവാസപ്രദക്ഷിണവഴിയിലും കവിത കൂടെ കൂട്ടിയിരിക്കുന്നു.

ഇപ്പോൾ മദ്രാസിൽ ഒരു സ്വകാര്യസ്ഥാപനത്തിൽ ജോലിചെയുന്നു.

തപാൽ ഃ

ശ്രീകൃഷ്ണദാസ്‌ മാത്തൂർ,

ചെറുവള്ളിൽ വീട്‌,

മാത്തൂർ തപാൽ,

പത്തനംതിട്ട-689657,

ഫോൺഃ 0468-2354572.

ബ്ലോഗ്‌ഃ www.mathooram.blogspot.com

ഇ-മെയിൽഃ s.mathoor@rediffmail.com


Phone: 09940556918




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.