പുഴ.കോം > പുഴ മാഗസിന്‍ > കവിത > കൃതി

ഒരു തരിവെട്ടം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ശ്രീദേവി കെ.ലാൽ

കവിത

കനത്ത കൂരിരുൾ പടർപ്പൊരുക്കുവാൻ

തിടുക്കം കൂട്ടുന്ന നിറഞ്ഞ സന്ധ്യയിൽ

അണയും വീണ്ടും നീയരികിലായിയെ-

ന്നറിഞ്ഞു ഞാനെന്റെ മനം കുളിർപ്പിക്കേ...

ഇടവഴിയിലെ കരിയിലകളിൽ പതി-

ഞ്ഞൊരൊച്ചയിൽ ചെവികൾ കൂർപ്പിക്കേ,

പടിയിറങ്ങി നീ പടിയകന്നുപോം

പറഞ്ഞ നേരിന്റെ കഥ തിരയുന്നൂ.

അലിഞ്ഞു നേർക്കാഴ്‌ചയയഞ്ഞ വെട്ടത്തിൽ

കനത്ത കൂരിരുൾ നിറഞ്ഞു നില്‌ക്കവേ...

ഒരു തരിവെട്ടം കരളിൽ കാത്തു-

ഞാനെരിച്ചു എന്നിലെ മിഴിതെളിപ്പിക്കേ

എരിഞ്ഞുതീരുന്നു പകലും രാത്രിയും

കടന്നുപോകുന്നു തുടുത്ത സന്ധ്യകൾ

എരിഞ്ഞുതീരട്ടെ തെളിച്ച ദീപങ്ങൾ

കരിന്തിരി കത്തി ഒന്നാളിയണയട്ടെ.

ശ്രീദേവി കെ.ലാൽ

വിലാസം

ശ്രീദേവി കെ.ലാൽ,

തേക്കായി,

ചെറായി പി.ഒ.

എറണാകുളം.

683 514




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.