പുഴുങ്ങിയ മുട്ട - 3
ഉരുളക്കിഴങ്ങ് - 1 വലുത്
തേങ്ങ - 1 മുറി
സവാള - 1
ഇഞ്ചി - ഒരു ചെറിയ കഷണം
പച്ചമുളക് - 5 എണ്ണം
കറിവേപ്പില - 2 കതിർപ്പ്
ചുവന്നുള്ളി - 3 ചുള
വെളുത്തുള്ളി - 3 അല്ലി
മല്ലിപ്പൊടി - 1 ടീസ്പൂൺ
മുളക് പൊടി - അര ടീസ് പൂൺ
മഞ്ഞൾ പൊടി - കാൽ ടീസ്പൂൺ
വിനാഗിരി - അര ടീസ്പൂൺ
ഉപ്പ്, വെളിച്ചണ്ണ - പാകത്തിന്
തയ്യാറാക്കുന്ന വിധംഃ തേങ്ങ ചുരണ്ടി പിഴിഞ്ഞ് - തലപ്പാൽ മാറ്റിവയ്ക്കണം. 2-ാം പാൽ എടുക്കണം - മല്ലിപ്പൊടി, മുളകുപൊടി മഞ്ഞൾപൊടി ഇവ കുതിർത്തു വയ്ക്കണം. വെളിച്ചണ്ണ ഒഴിച്ചു ചൂടാകുമ്പോൾ സവാള, പച്ചമുളക്, ഇഞ്ചി എന്നിവ ചേർത്തു വഴറ്റണം. പിന്നീട് കുതിർത്ത മസാല ചേർക്കണം. എണ്ണ തെളിയുന്ന പാകത്തിൽ 2-ാം പാൽ ചേർക്കണം. തിളവന്നു തുടങ്ങുമ്പോൾ പുഴുങ്ങിയ മുട്ട രണ്ടായി പിളർന്നതും ഉരുളകിഴങ്ങ് പുഴുങ്ങി 8-ായി മുറിച്ചതും ഉപ്പും ചേർക്കണം. 5 മിനിറ്റ് നന്നായി തിളപ്പിക്കണം - പിന്നീട് പാത്രം താഴെ ഇറക്കിവച്ച് തലപ്പാൽ ചേർക്കണം - നന്നായി ഇളക്കി - വിനാഗിരിയും ചേർക്കുക. പിന്നീട് ചൂടായ ചീനചട്ടിയിൽ വെളിച്ചണ്ണ കടുക് പൊട്ടിച്ച് ചുവന്നുള്ളി വെളുത്തുള്ളി ഇവ അരിഞ്ഞതും കറിവേപ്പിലയും ചേർത്തു മൂപ്പിച്ചു വാങ്ങുക.