പുഴ.കോം > പുഴ മാഗസിന്‍ > കവിത > കൃതി

ഗുരു പറഞ്ഞത്‌

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
റഫീക്ക്‌ റമദാൻ

കവിത

ഗുരുവിന്റെ മൊഴികളിൽ

സത്യാക്ഷരങ്ങളുടെ

പ്രളയം തന്നെ ഉണ്ടായിരുന്നതായി

അയാൾ ഓർത്തു.

കലയുടെ, സാഹിത്യത്തിന്റെ, ശൈശവം

നിഷ്‌കപടമാണ്‌,

കൗമാരം മദിരമയം.

അതിന്റെ യൗവനം

മാംസഭോജനവും,

വാർദ്ധക്യം അസൂയയുമാണ്‌.

അയാൾക്ക്‌ വിസ്‌മയം തോന്നി-

കലയുടെ ബാല്യത്തെപ്പറ്റി

ഗുരുവൊന്നും പറഞ്ഞില്ല!

സ്‌നേഹത്തെയധികരിച്ച്‌

ഗുരുപറഞ്ഞതിപ്രകാരമായിരുന്നു,

കാമഗന്ധമേൽക്കാത്ത സ്‌നേഹം

മരീചികയാണ്‌.

മാംസനിബദ്ധമാകുമ്പോഴേ-

രാഗം പുഷ്‌പിണിയാകുന്നുളളൂ.

ബ്രഹ്‌മചര്യയുടെ അതാര്യവസ്‌ത്രം

ഗുരു പിച്ചിച്ചീന്തിയത്‌, സപുത്രിയെ

‘എന്നെ ഏൽപിച്ചുകൊണ്ടായിരുന്നു’.

അതിനാൽ,

ഗുരുവൊരിക്കലും സന്യാസത്തെ

പരാമർശിച്ചിരുന്നില്ല!


റഫീക്ക്‌ റമദാൻ

റഫീക്ക്‌ റമദാൻ

‘ശബ്‌നം മൻസിൽ’

ചെറവായൂർ

വാഴക്കാട്‌ - 673 645

മലപ്പുറം.

ഫോൺഃ 773661




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.