പുഴ.കോം > പുഴ മാഗസിന്‍ > കവിത > ഗീതാഞ്ജലി > കൃതി

ഗീതം അറുപത്തിയെട്ട്

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
രവീന്ദ്രനാഥ് ടാഗോര്‍

അന്തരംഗത്തില്‍ കുടികൊള്ളുമദ്ദേഹം
ആരെന്നറിവീല, പക്ഷെ,

എന്തൊരു നൊമ്പരം, എന്തൊരുദ്വേഗമാ-
ണെന്നിലേറ്റുന്നതാ സ്പര്‍ശം!

അജ്ഞനം ചാര്‍ത്തുന്നു കണ്‍കളി,ലെന്‍പ്രാണ
വല്ലകി തൊട്ടുണര്‍ത്തുന്നു

അന്തരംഗം കവി, ഞ്ഞെന്നില്‍നിന്നായിരം
ഛന്ദസ്സുക,ളൊഴുകുന്നു!

നിര്‍മ്മിപ്പു സ്വര്‍ണ്ണവും പച്ചയും നീലയും
വേണ്മയും ചേര്‍ത്തി പ്രപഞ്ചം-

മായികം! പിന്നില്‍ മറഞ്ഞിരുന്നെന്‍ നേര്‍ക്കു-
നീളുന്നു തൃപ്പാദപത്മം

നാളുകളോരോന്നു നീങ്ങുമ്പോഴും യുഗ-
മോരോന്നു മാറിടുമ്പോഴും

അനന്ദമുള്ളില്‍ നിറയ്ക്കയാണദ്ദേഹം;
ഞാനാ മറയിലുള്‍ച്ചേര്‍ന്നു!


കടപ്പാട്: കേരള സാഹിത്യ അക്കാദമി Email:akademipublication@gmail.com

വിവ: ഏറ്റുമാനൂര്‍ സോമദാസന്‍

Previous Next

രവീന്ദ്രനാഥ് ടാഗോര്‍




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.