പുഴ.കോം > പുഴ മാഗസിന്‍ > കവിത > ഗീതാഞ്ചലി > കൃതി

ഗീതം അമ്പത്തിയഞ്ച്

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
രവീന്ദ്രനാഥ് ടാഗോര്‍

അറിയുന്നുഞാ,നെന്നിലവിടുന്നു തൂകുമീ-
അനുരാഗ,മത്യന്തതീവ്രം;

അതുമൂലമല്ലിയ,ങ്ങത്യുന്നതങ്ങള്‍ വി-
ട്ടവതീര്‍ണ്ണനായതി,ങ്ങേവം?

ഇവിടെഞാ,നില്ലായിരുന്നുവെന്നാകിലോ
തവരാഗമേറ്റം വിഫലം!

കനിവോടെ,യവിടുന്നീ ഉത്സവാഘോഷത്തി-
നിവളേയു,മാനയിച്ചല്ലോ,

അവിടുത്തെ ലീലാവിലാസത്തഅലെന്നകം
അവിരതം ചഞ്ചലമല്ലോ!

അനവദ്യ കേളിയാ,ലവിടുന്നുണര്‍ത്തുന്നു
കരളില്‍ തരംഗകലാപം;

പലരൂപഭാവങ്ങള്‍ നീ കൊള്‍കയാ,ലെന്നില്‍
നിറവൂ കുതൂഹല ഭാവം

പടവുകളോരോന്നിറങ്ങിയെന്‍ ചാരെ നീ
അണയുന്ന,തതുമൂലമാവാം!

തവദിവ്യരാഗത്തില്‍ മുഴുകവേ,യെന്നുള്ളില്‍
വഴിയുന്നു തീവ്രാനുരാഗം;

ഇവളില്‍ ലയിച്ചതി ദീപ്തമാകുന്നുനിന്‍
നിരുപമ ദിവ്യസ്വരൂപം!

കടപ്പാട്: കേരള സാഹിത്യ അക്കാദമി Email:akademipublication@gmail.com

വിവ: ഏറ്റുമാനൂര്‍ സോമദാസന്‍

Previous Next

രവീന്ദ്രനാഥ് ടാഗോര്‍




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.