പുഴ.കോം > പുഴ മാഗസിന്‍ > കവിത > ഗീതാഞ്ജലി > കൃതി

ഗീതം മുപ്പത്തിയെട്ട്

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
രവീന്ദ്രനാഥ് ടാഗോര്‍

ഉറവയ,റ്റുള്ളം വറളവേ,യെന്നില്‍
കനിവിന്തീര്‍ത്ഥമായ് ഒഴുകിയെത്തുക,

മധുരിമയറ്റ മനസ്സില്‍, ഗാനത്തിന്‍-
അമൃതവര്‍ഷമായ് അവതരിക്കുക!

കഠിനകര്‍മ്മങ്ങളെനിക്കുചുറ്റുമേ
ഭയദര്‍ഗര്‍ജ്ജനമുയര്‍ത്തവേ,ഭവാ-

നതിമൃദുലമാം കഴലുവയ്പ്പൊടേ
കടന്നുവന്നെന്റെ കരളില്‍മേവുക

അതീവതാന്തയായ് അകംതളര്‍ന്നിവള്‍
അഗണ്യകോടിയി,ലൊതുങ്ങിക്കൂടവേ-

തുറന്നുവാതി;ലെന്‍ സവിധത്തില്‍, രാജ-
പ്രതിമനായ് ഭവാനെഴുന്നരുളുക

പെരുകുമാശ്തന്‍ പൊടിപടലമെന്‍-
ചുഴലവും പൊങ്ങിക്കുമിഞ്ഞു കൂടുമ്പോള്‍,

അതില്‍ പ്പുതഞ്ഞുഞാന്‍ കൊടും തമസ്സിന്റെ
അഗാധഗര്‍ത്തത്തി,ലിടറിവീഴുമ്പോള്‍,

പ്രതാപമായ്,രൌദ്രമഹാമഹസ്സായും
പ്രഭോ! ഭവാനെന്നിലുണര്‍വു ചേര്‍ക്കുക!

കടപ്പാട്: കേരള സാഹിത്യ അക്കാദമി Email:akademipublication@gmail.com

വിവ: ഏറ്റുമാനൂര്‍ സോമദാസന്‍

Previous Next

രവീന്ദ്രനാഥ് ടാഗോര്‍




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.