പുഴ.കോം > പുഴ മാഗസിന്‍ > കവിത > ഗീതാഞ്ചലി > കൃതി

ഗീതം ഇരുപത്തിരണ്ട്

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
രവീന്ദ്രനാഥ് ടാഗോര്‍

വിക്ഷുബ്ലമീ നിശായാമം; കൊടുങ്കാറ്റു-
വീശവേ കേള്‍ക്കാമിരമ്പം;

എന്‍ പ്രണവല്ലഭ! പ്രേമസങ്കേതത്തി-
ലെത്തുവാനോ നീയെന്റെ യാനം?

ആശകെട്ടുള്ളവനെന്നതുമാതിരി
വാവിട്ടു കേഴുന്നു വാനം;

എന്മിഴിപ്പോളയില്‍ തങ്ങിനില്‍പീലല്ലോ
നിദ്രതന്‍ ലാഞ്ഛന പോലും!

നാഥ , തുറന്നുകിടക്കുകയാണെന്റെ
വാസഗേഹത്തിന്‍ കവാടം,

ദൂരപഥങ്ങളില്‍ താനേയലയുക-
യാണെന്‍ ചകിതമാം നോട്ടം.

കാണുവാനാവുന്നതില്ല, വാതില്‍പ്പുറ-
ക്കാഴ് ചകളൊന്നുമങ്ങോളം;

നീവന്നുചേരുമിപ്പോ,ഴെന്നരികിലെ-
ന്നോര്‍ത്തിരിപ്പാണു ഞാനേവം!

ഒട്ടകലത്തൂടൊഴുകുമാറ്റിന്‍ മറു-
തിട്ടയില്‍നിന്നുമായേക്കാം;

കണ്‍കള്‍മറക്കുമിരുട്ടി,ലക്കാനന-
പ്രാന്തങ്ങളില്‍ നിന്നുമാവാം!

കടപ്പാട്: കേരള സാഹിത്യ അക്കാദമി Email:akademipublication@gmail.com

വിവ: ഏറ്റുമാനൂര്‍ സോമദാസന്‍

Previous Next

രവീന്ദ്രനാഥ് ടാഗോര്‍




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.