കോളേജ് ലാബുകളിൽ തവളകളെയും പാറ്റകളെയും പിടിച്ചു കൊടുക്കുന്ന വിദ്യാസമ്പന്നനായ ദളിത് യുവാവായ വിശ്വനെയാണ് ശ്രീനിവാസൻ ചിതറിയവരിൽ അവതരിപ്പിക്കുന്നത്. ഒരു ട്യൂട്ടോറിയൽ അധ്യാപകന്റെ വരുമാനം ജീവിക്കാൻ തികയാത്തതിനാലാണ് വിശ്വൻ തവള പിടുത്തത്തിനിറങ്ങുന്നത്. ഒരു വിദ്യാസമ്പന്നനായ ദളിത് യുവാവിന്റെ പ്രശ്നങ്ങളെ ഏറെ ഗൗരവത്തോടെയാണ് ഈ സിനിമ ചർച്ച ചെയ്യുന്നത്. ശക്തമായ കഥയും അർപ്പണ മനസ്സുളള ഒരുകൂട്ടം ചെറുപ്പക്കാരുടെ കൂട്ടായ്മയുമാണ് ഈ സിനിമയിൽ ശ്രീനിവാസൻ അഭിനയിക്കാൻ തീരുമാനിച്ചതിന്റെ ഘടകങ്ങൾ.
കഥാകൃത്തായ ലാൽജി ജോസാണ് ‘ചിതറിയവരു’ടെ സംവിധായകൻ. എം.കെ.ഹരികുമാറിന്റെ കഥയ്ക്ക് ജി.ആർ.ഇന്ദുഗോപൻ തിരക്കഥ എഴുതിയിരിക്കുന്നു. കുരീപ്പുഴ ശ്രീകുമാറിന്റെ വരികൾക്ക് സി.ജെ.കുട്ടപ്പൻ സംഗീതം നല്കിയിരിക്കുന്നു. ഛായാഗ്രഹണം കെ.ജി.ജയൻ. ഗ്ലോബൽ ക്രിയേഷനാണ് ചിത്രം നിർമ്മിക്കുന്നത്.