പരുന്ത് പുരുഷോത്തമനായി സൂപ്പർതാരം മമ്മൂട്ടി വാർത്തകളിൽ നിറയുന്നത് നായിക ലക്ഷ്മിറായിയുടെ കരിയർഗ്രാഫ് കുത്തനെ ഉയർത്തുന്നു. മമ്മൂട്ടിയുമൊന്നിച്ച് ആടിപ്പാടുന്ന രംഗങ്ങളിലെങ്കിലും ‘പരുന്തി’ലെ ഗുജറാത്തി പശ്ചാത്തലമുളള നായികാ കഥാപാത്രം ഈ അന്യഭാഷാ താരത്തിന്റെ ഡിമാന്റ് വർധിപ്പിച്ചിരിക്കുകയാണ്. തുടർച്ചയായി മമ്മൂട്ടിയുടെ രണ്ട് സൂപ്പർഹിറ്റുകളിൽ നായികയായി മലയാളത്തിൽ തട്ടകം ഉറപ്പിക്കുന്ന ലക്ഷ്മി റായിയെ പുതിയ പ്രോജക്ടുകളിലേക്ക് സംവിധായകൻ പരിഗണിക്കുന്നുണ്ട്. മോഹൻലാലിന്റെ ജോഡിയായി ‘റോക്ക് ൻ റോളി’ലൂടെയായിരുന്നു മലയാളപ്രവേശം. പൃഥ്വിരാജ് നായകനായ ‘വെളളിത്തിരൈ’യിലൂടെ തമിഴകത്തും ലക്ഷ്മി റായ് വിലയേറിയ താരമായിക്കഴിഞ്ഞു. കന്നട, തെലുങ്ക് ഭാഷാ ചിത്രങ്ങളിൽ നിന്നും സുന്ദരിക്ക് ഓഫറുകളുണ്ട്. ഇന്ത്യൻ ക്രിക്കറ്റ് നായകൻ ധോണിയുമായി ബന്ധപ്പെട്ട് ഗോസിപ്പ് കോളങ്ങളിലും സുന്ദരി സജീവം തന്നെ.