ബിജു ഡി.കണ്ണൻ സംവിധാനം ചെയ്യുന്ന ‘അപ്രകാരം തന്നെ’ എന്ന ചിത്രം ബിജുമേനോന്‌ ഒരു വഴിത്തിരിവാകുമെന്ന്‌ ചലച്ചിത്രലോകം പ്രതീക്ഷിക്കുന്നു. സുധാകരൻ എന്ന ചെറുപ്പക്കാരനായ നാട്ടിൻപുറത്തുകാരനായും വാസൂട്ടിയെന്ന അറുപത്‌ കഴിഞ്ഞ വൃദ്ധനായുമാണ്‌ ബിജുമേനോൻ ഈ ചിത്രത്തിൽ പ്രത്യക്ഷപ്പെടുന്നത്‌. ഈ ഇരട്ടവേഷം ശ്രദ്ധിക്കപ്പെടുമെന്നു തന്നെയാണ്‌ ബിജുമേനോന്റെ പ്രതീക്ഷ.
ഇന്ത്യൻ പനോരമയിലേക്ക്‌ തിരഞ്ഞെടുക്കപ്പെട്ട ‘ചായം’ ആണ്‌ സംവിധായകനായ ബിജു.ഡി.കണ്ണന്റെ ആദ്യചിത്രം. ഭാവനയാണ്‌ അപ്രകാരം തന്നെയിലെ മറ്റൊരു പ്രധാനവേഷം ചെയ്യുന്നത്‌. നിർമ്മാണം ജോസ്‌രാജ്‌ ഫിലിംസ്‌, രചന ശിവപ്രസാദ്‌ ഇരവിമംഗലം, ഛായാഗ്രഹണം നമ്പ്യാതിരി എന്നിവർ നിർവഹിക്കുന്നു.
