പുഴ.കോം > പുഴ മാഗസിന്‍ > കവിത > കൃതി

ചരിത്രം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
നജിംകൊച്ചുകലുങ്ക്‌

കവിത

ചരിത്രം അങ്ങനെയാണ്‌

ചിലപ്പോൾ അതൊരു

കുറുമ്പുകാരിയെ പോലെ

ഉടയാടകൾ വലിച്ചെറിഞ്ഞ്‌

പൊള്ളുന്ന സത്യങ്ങൾ

കുടഞ്ഞെറിഞ്ഞ്‌

കിലുകിലെ ചിരിച്ച്‌

കനൽനടത്തം നടത്തും.

ചരിത്രം

ചിലപ്പോൾ

ഒരു രജസ്വലയെ പോലെയാണ്‌

ലജ്ജയാൽ കൂമ്പിയുറങ്ങി

മധുര സ്വപ്‌നങ്ങളിലുണരും

നുണക്കുഴികളിൽ മൗനം നിറച്ച്‌

ചിരികളിൽ നിലാവാകും

അടിവയറ്റിലെ നോവിന്റെ

ചാണയിലുരച്ച്‌ ചാരിത്ര്യശുദ്ധിയെ

സ്‌ഫുടംചെയ്‌തു കൊണ്ടിരിക്കും.

എന്നാൽ

ചിലപ്പോഴൊക്കെയും

ചരിത്രം

ഒരഭിസാരികയെ പോലെയാണ്‌

കൂടെ ശയിക്കുന്നവനെ

രസിപ്പിക്കുവാൻ

ഏത്‌ ലീലയുമാടും,

കീശകളിൽ ആർത്തിയായി

പടർന്നിറങ്ങും,

അന്തപ്പുരങ്ങളിൽ

തളർന്നുറങ്ങും!

നജിംകൊച്ചുകലുങ്ക്‌

‘ഗൾഫ്‌ മാധ്യമം’ റിയാദ്‌ ലേഖകൻ

ഗൾഫിലെ പ്രമുഖ സാഹിത്യ സംഘടനയായ ‘ചെരാതിന്റെ’ പ്രവർത്തകനും

‘ഇല’ ഇൻലന്റ്‌ മാഗസിന്റെ എഡിറ്റർ ഇൻ ചാർജും.

ആനുകാലികങ്ങളിൽ കഥകളും കവിതകളും എഴുതുന്നു.

വിലാസംഃ ‘സുകൃതം’, കൊച്ചുകലുങ്ക്‌, ചോഴിയക്കോട്‌-പി.ഒ, കൊല്ലം-691317

പി.ബി. നം. 49770, റിയാദ്‌ ഃ 11513, കെ.എസ്‌.എ.


E-Mail: najim1973@hotmail.com




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.