പുഴ.കോം > കാവ്യ കൈരളി > കവിത > കൃതി

മന്നനു വരവേൽപ്പ്‌

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ചന്തിരൂർ ദിവാകരൻ

കവിത

ചന്ദ്രിക പെയ്‌തു പുഞ്ചിരി, ഓണ-

ച്ചന്തം മുഖമലരണിയുന്നു

ചിന്തുകൾ പാടി നടന്ന കിടാങ്ങൾ-

ക്കെന്തൊരു വിസ്‌മയ സന്തോഷം.

വറുതി വിഴുങ്ങിയ കഞ്ഞിക്കലമൊരു

ചെറുനിശ്വാസ മുതിർക്കുന്നു

കരിമിഴിമാരുടെ ഹൃദയദലങ്ങളി-

ലൊരു ചെറുപുഞ്ചിരി പടരുന്നു.

കാണംവിറ്റാണെങ്കിലുമോണം

കാണാ, മുണ്ണാ, മകതാരിൽ

കാണുകയാണൊരു സ്വപ്‌നം, നികുതി-

പ്പണമതിനൊഴിവാണാശ്വാസം.

പൂവിളിയുതിരും നേരമെനിക്കുൾ

പ്പൂവിലെ ദുരിതം വിരിയുമ്പോൾ

സ്‌മൃതിയിലുതിർപ്പൂ ശരണാഗതരുടെ

ഭരിത വിലാപപ്പൂവിളികൾ!

മാബലി മന്നനെയെതിരേറ്റീടാൻ

ഭാവന ചിറകു വിടർത്തുമ്പോൾ

ആമയമൊക്കെ മറന്നടിയങ്ങൾ

മാബലിമന്നാ വരവേൽക്കാം.

ചന്തിരൂർ ദിവാകരൻ




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.