കാളിന്ദിയാറ്റിലെ കാറ്റേ കസ്തൂരി മണമുള്ള കാറ്റേ-
വഞ്ചിയിലുലയും മാദകപൗർണ്ണമിയെ കണ്ടോ?
ചുണ്ടിലുറയും വഞ്ചിപ്പാട്ടിന്നീരടികേട്ടോ?
നെഞ്ചിലുലയും തേൻകുടങ്ങൾ കണ്ടോ?
പുളകങ്ങൾ പൂക്കുന്ന പുലർക്കാലത്തിൽ
ആയിരമുഷസുകൾ പൂത്തതു നീ കണ്ടോ?
മീൻമിഴിയാളിൻ സുഗന്ധമെയ്യഴകിൽ
മുഴുകിയുണർന്നൊരു മുനീശ്വരനെ കണ്ടോ?
മത്സ്യഗന്ധിയുടെ മകനായ് പിറന്ന
കൃഷ്ണദ്വൈപയാനേ കണ്ടോ?
യുഗാന്തരങ്ങൾക്ക് തിരിതെളിച്ചൊരു
വിശ്വമഹാകവി വേദവ്യാസനെ കണ്ടോ?