ഉച്ചസൂര്യനായ് മാറുന്നതിൻ മുൻപി-
ലസ്തമിക്കാൻ വിടർന്ന സുമങ്ങളേ!
നിൽക്കുകിത്തിരി നേരം, പകലിന്റെ
അസ്തഗീതം പരക്കുന്നതു വരെ.
ഒത്തു പ്രാർത്ഥനാഗീതവുമാലപി-
ച്ചൊത്തുപോകാം നമുക്കന്ത്യ യാത്രയിൽ
ജീവിതം നിമിഷോജ്ജ്വലം, ഭാസുരം
പോയ് മറയും വസന്തർത്തുവെന്ന പോൽ
നശ്വരം നിന്റെ ജീവിതം, ഹാ! ശുഷ്ക
പത്രമായ് നാമടിയുമീ ഭൂമിയിൽ
പുലരി തൻ മഞ്ഞുതുള്ളിപോൽ, വേനലിൻ
പുതുമഴ പോൽ, മറഞ്ഞുപോം ജീവിതം
ഇനിയൊരിക്കലും കാണാത്ത മാതിരി....