പുഴ.കോം > ഗ്രാമം > കവിത > കൃതി

വെടിക്കാരന്റെ കോഴി

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ഇടക്കുളങ്ങര ഗോപൻ

പ്രാരാബ്ദങ്ങളുടെ കടൽ

ജീവിതത്തെ വിഴുങ്ങും മുമ്പേ

ഖേദമില്ലാത്ത മനസ്സിൽ

വിലാപങ്ങളുടെ ഗുണനപ്പട്ടികകൾ

എണ്ണിയെണ്ണിയൊടുങ്ങുകയാണ്‌.

ഓരോ വിനയും

താൻ തന്നെ വിതച്ചതെന്ന തിരിച്ചറിവിൽ

മുൾമുനയിൽ നിന്നുളള

തപസ്സ്‌ നിർത്തണം

സ്വാതന്ത്ര്യത്തിന്റെ നിറം മങ്ങുന്നത്‌

മുദ്രാവാക്യങ്ങളിൽ തിരിച്ചറിയാം

ഓരോ ധ്വനിയും പ്രതിധ്വനിക്കുകയാണ്‌

സൗപർണ്ണികയിലും പാപനാശിനിയിലും

സ്നാനം ചെയ്താലും

പളളിക്കലാറിൽ ശൗചം ചെയ്തതിനാൽ

ഒഴുകിയൊഴുകി കടലിലെത്തി

മീൻ വിഴുങ്ങി

മുക്കുവന്റെ വലയിൽ കുരുങ്ങിയതും

പാകം ചെയ്ത്‌ ഭക്ഷിച്ചതും

മീൻതൊട്ട്‌ വേദത്തിൽ കൂടിയതും

ഓർമ്മയിൽ തുളുമ്പിക്കവിയുമ്പോൾ

നീയും ഞാനും

പിൻവിളിയുടെ ഓരോ ഊഴം കാക്കുമ്പോഴും

മരണത്തിന്റെ ഉന്നം

എനിക്കു നേരെ ചൂണ്ടുകയാണ്‌.


ഇടക്കുളങ്ങര ഗോപൻ




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.